ادمان السوشيال ميديا (1)

ادمان السوشيال ميديا
ادمان السوشيال ميديا

هل ملاحظ بتقضي وقت قد ايه على الفيس أو الانستجرام؟

هل حاسس ان عمرك بيضيع في ملاحقه اجهزه الموبايل عشان تشوف رسالة جات او كومنت اتكتب او لايك اتحط او شير اتعمل؟

هل حاسس بزحمه وضيق ودوشه جوا دماغك وقلبك ومشاعرك مش عارف تهديها او تفسرها او تهرب منها؟

لو حاسس بكده يبقي بدأت تلاحظ تأثير السوشيال ميديا علي دماغك وحياتك و دي اول خطوه لتصحيح مسارك وأنك تبدأ تكون فاعل في حياتك مش مفعول به.

حاول تشيل الفيس من علي موبايلك ساعه او ساعتين، يوم او يومين وشوف الوقت اللي بدا يتوفر لك قد ايه والراحة اللي هاتحس بيها قد ايه.

مش بقول ان ده هيكون سهل عليك من اول مره لان للاسف انت دلوقتي مدمن …ايوا مدمن علي السوشيال مديا ولازم تنسحب من حياتك تدريجيا وبهدوء زي انسحاب المخدرات من الجسم بالظبط وإلا كل محاولاتك بالشفاء من هذا الإدمان هتبوء بالفشل.

حاول الاول ساعه شيل التطبيق خالص من علي الجهاز لان ده هيسهل عليك انك ما ترجعلوش قبل الساعة ما تعدي، عارفه ان في ناس شاطره والساعه دي بالنسبة لها شئ سهل ودول التحدي بالنسبة لهم انهم يشيلوا الفيس من علي موبيلاتهم لمده يوم كامل، وهكذا كل واحد عارف التحدي بالنسبة له ايه ويبدأ تدريجيا يزود المده.
ودي اول خطوه……..
يتبع إن شاء الله(ادمان السوشيال ميديا2)

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى