الحب حتى الذوبان

الحب مش معناه انك تذوب في الاخر وتنسى نفسك، سيب مساحه خاصة بيك ماحدش يشاركك فيها

هتقولي ليه؟

هقولك لانك هتحتاجها.

هتحتاجها لما تضل الطريق وتحتاج تراجع نفسك وتعيد ترتيب أوراقك.

هترجعلها لما تزيد عليك الضغوط حتى من أقرب الناس ليك.

إنكارك لذاتك لما يوصل إنك تلغي وجودك وتقصر حياتك على الطرف التاني هيسبب مشاكل كتير

سببها إنك بتتنازل عن حقوقك، وبتتغافل عن مطالبك الطبيعيه، وبتنتظر من الطرف التاني إنه يقدر تضحيتك.

لكن اللي بيحصل إن الطرف التاني ما طلبش منك التضحيه ولا حاسس بيها ،وإذا واجهته هيقولك ماحدش طلب منك تضحي.

هتحس إنك قليل وما لكش لازمه في الحياة، هتتشتت وتتوه وكأن حد رماك في بحر وإنت ما بتعرفش تعوم

هتتصدم، هتثور وتغضب، لكن لما تهدى وتفكر هتعرف إن عنده حق.

ماحدش طلب منك تسكت لما كان لازم تتكلم.

ولا حد طلب منك تضحي لما كان لازم تتقدر.

ولاحد خلاك تتنازل لما كان لازم تتمسك.

ما تتنازلش عن أحلامك وطموحك، ما تطفيش روحك بروحك

ارجع ودور على حلمك، و إحيي نفسك بعلمك

عمر التفاني ما كان فناء

حب من غير ذوبان

الكاتب