التغيير مخيف

التغيير مخيف
التغيير مخيف

التغيير مخيف…. علشان النتايج مش مضمونة

 

الاحتمالات

في احتمال لو اشتريت عربية تعمل بيها حادثة، بس كمان في احتمال انك متعملش حادثة، وتعيش مرتاح من زحام المواصلات.

 

كام مرة في عمرك كنت خايف تعمل خطوة جديدة وإتحديت خوفك وكانت النتائج مبهرة؟

 

العقل نعمة

 ونعمة كبيرة كمان، لكن في وقت التغيير ممكن يكون عقلك هو عدوك اللدود، لأنه بيوجه التفكير حسب الخبرات السابقة، و بيحاول يحميك من الفشل.

 

عقلك هيقول لك لا…إوعى تتغير، فاكر لما حاولت زمان وفشلت.

إيه ده إنت هتسافر …إنت مش عارف كام واحد سافر وحصلت له مشاكل?

إنت ناوي تغير مجال شغلك ولا إيه؟، مش فاكر صاحبك فلان اللي غير شغله وندم??‍♀️

وهكذا …هيقولك لا ولا ولا، عقلك فاكر إنه بكده بيحميك، بس في الحقيقه هو بيقيدك وبيربطك وبيمنعك من التجربه وبيمنعك من الفشل أو النجاح،  بيمنعك إنك تعيش✅✅✅

 

الحل هو المواجهه

طيب اعمل ايه؟

اقولك…..قول لعقلك وهيحصل ايه يعني؟

هيحصل ايه اذا قلت لا؟

هيحصل ايه لو اتغيرت؟

هيحصل ايه لو نجحت وهيحصل ايه لو فشلت ؟

قوله كمان ….ايه أدراك؟

إيه أدراك إن اللي بتتوقع حصوله ده حقيقه؟

وبنسبة كام انت متأكد يا عقلي انه هيحصل؟

هتلاقي عقلك رجع لورا???

وبص لك بكل استغراب!!!

واجهه كمان وقوله ،فاكر في الموقف الفلاني لما جربت ونجحت؟

طاب فاكر أنا عملت إيه عشان أنجح؟

فاكر إزاي اتنازلت عن خوفي وظنوني وكانت النتيجة مبهرة؟

عقلك هيرفع إيديه ويسلم??‍♀️

هيقولك خلاص أنا اتعلمت، توقعاتي مش لازم تحصل✅

ومخاوفي وظنوني مش لازم تكون حقيقيه✅

أيوه كده يا عقلي، كده بقينا أصحاب❤️❤️

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى