هي دي أنا

وبحبني كما أنا
أوقات بعيش وما بشتكيش
أوقات بتقلب محزنة
أوقات تكون الدنيا بالنسبة لي هيش
مش شايفة فيها غير جروح
أوقات أشوف في الدنيا خير
والهم والأحزان تروح
أوقات أحس الحب طيش
أوقات أشوف الدنيا من غير حب متساويش
أوقات بكون في العتمة نور
أوقات بيغلبني الشعور
أوقات أكون احكم حكيم
أوقات أكون صيد للـ لئيم
أوقات أشوف في حياتي عبرة
أوقات أشوف في عيوني عبرة
أوقات بسامح
أوقات بعاتب
أوقات بكون لصاحبي صاحب
أوقات بقفل بابي وأمشي من غير كلام
أوقات أقع أوقات أقوم
حاجات كتير وعكسها
وكل حاجة حسيتها يوم وبكل قلبي عملتها
بحبها
لأنها
حتة مني
جزء من قلبي وعقلي
ركن في حياتي
صورة من روحي
ما هي دي أنا
وبحبني كما أنا