علاقة اللايف كوتشنج بعلم النفس
العلاقة بين الكوتشنج وعلم النفس وثيقه جدًا، لأن فروع كتير من الكوتشينج بتعتمد على أنواع مهمة جدًا من علوم النفس مثل:
علم النفس الايجابي positive psychology
وده اللي بيقولوا عليه علم السعادة.
العلاج المعرفي السلوكي CBT
وده نوع من أنواع العلاج النفسي الكلامي واللي بيعتمد على تصحيح الإدراك من التشوهات الفكرية
يعني اللايف كوتش ينفع يحل محل المعالج النفسي أو العكس؟
لا طبعًا
اللايف كوتش لا يعالج مريض نفسي، اللايف كوتش بيتعامل مع إنسان طبيعي بتواجهه بعض المشاكل والتحديات، محتاج حد ياخد بإيده ويدله على الطريق.
اللايف كوتش بيتعامل مع إنسان غير مسلوب الإراده، بل بالعكس من أهم أسباب نجاح عملية الكوتشينج هو إن العميل يكون واعي بمشاكله وعنده الإرادة الصادقة لحل المشاكل ومواجهة التحديات.
المعالج النفسي
بيتعامل مع مريض محتاج للعلاج الكلامي وأحيانًا بيحتاج للعلاج الدوائي كمان ودي بتكون مهمة “الطبيب النفسي فقط”
أحيانًا المريض النفسي بعد الشفاء بيكون عنده بعض التساؤلات والقلق عن المستقبل، وإزاي هيواجه الحياة بعد التعافي
هنا بيكون دور اللايف كوتش، اللي بيقدر يساعده في رسم خطة مستقبلية لحياته واكتشاف نفسه من جديد.
