مذكرة الأفكار السلبية (قلم أشجارك…خرج أفكارك)

مذكرة الأفكار السلبية
مذكرة الأفكار السلبية
أفكارك السلبية الأوتاميتيكية (اللي إتكلمنا عليها قبل كده) خرجها على الورق، وإكتبها في مذكرة الأفكار السلبية
ليه دة مهم؟?
زي ما الأشجار ???بنحتاج نقلمها ونقصقص فروعها وأوراقها من وقت للتاني.
الأفكار كمان بنحتاج نخرجها عالورق ونقصقص منها اللي مش عاوزينه في حياتنا تاني.?✅
لو سيبنا الأشجار من غير تقليم فترة صغيرة مش هيحصل حاجة.
لكن لو سيبناها من غير تقليم فترة طويلة، الفروع هتكبر وتتشابك وتوقف نمو الشجرة وممكن كمان الشجرة تموت
كمان الأفكار لو سيبناها جوا عقلنا من غير تنقية وتنقيح وتفريق مابين التفكير المنطقي واللي فيه عيوب إدراكية، هنعاني من التشتت وزحمة الأفكار والتفكير في كل حاجة وأي حاجة، وده بيأدي ل….مش هقولك بقى إنت أدرى بحالك.
عشان كده خلي عندك مذكرة للأفكار، إكتب فيها كل أفكارك السلبية اللي بتيجي على بالك في كل وقت وكل أذان، واللي مش بتستأذن قبل ما تنغص عليك حياتك، وتملك عليك تفكيرك.
إكتبها بس ….وهتدعيلي

مذكرة الأفكار السلبية

  • المذكرة دى بتساعدك تعرف إنت حقيقي مؤمن بإيه؟ وليه انت مؤمن بيه؟
  • مذكرة الأفكار السلبية هتساعدك تعرف العلاقة القوية بين أفكارك ومشاعرك.
  • رؤية أفكارك مكتوبة على الورق بتوسع دائرة تفكيرك و تخلي تفكيرك منطقي.
  • رؤية أفكارك السلبية مكتوبة أمامك بيساعدك تتحداها وتغيرها.
  • لما تكتب أفكارك السلبية بإستمرار، هتعرف إمتى بتجيلك؟ إيه الشيء اللي بيحفزها؟

 

الجدول:

الموقف اللي ظهرت فيه الفكرة السلبية كان إمتى؟ وفين؟ الشعور وقوته من 1:10 الفكرة السلبية دليل على صحة الفكرة دليل على خطأ الفكرة فكرة إيجابية

 

زي ما أنتو شايفين، الجدول عبارة عن 6 خانات:

  • الخانة الأولى: هنكتب فيها الموقف اللي ظهرت معاه الفكرة السلبية،أمتي حصل؟ وفين حصل؟
  • الخانة التانية: هنكتب فيها الشعور اللي شعرنا بيه في الموقف دة وقوة هذا الشعور على مقياس من 1 إلى عشرة، مثال للمشاعر:(حزن، غضب، غيظ، اشمئزاز).
  • الخانة الثالثة: هنكتب فيها الفكرة السلبية اللي ظهرت في عقلنا وقتها، مثال( فلان بيكرهني، أنا أكيد مخطيء….).
  • الخانة الرابعة: أكتب أى دليل يدل على إن الفكرة السلبية دي صحيحة.
  • الخانة الخامسة: إكتب أي دليل يدل على إن الفكرة السلبية دي خطأ.
  • الخانة السادسة: حدد فكرة إيجابية بديلة للفكرة السلبية، فكرة تساعدك على الحياة بشكل أصح، واكتبها.

 

وبكدة كل مرة بنكتب فيها فكرة سلبية، بنقدر نتحداها ونحل محلها بفكرة إيجابية.

يعني بنقصقص أوراق وفروع الأفكار المؤذية، وبنساعد شجرة حياتنا على النمو والازدهار.

 

رابط الجدول أهو تقدروا تنزلوه وتطبعوه عندكم وتستخدموه كيف شئتم.

دمتم بعافية….

(نسخة pdf)

https://documentcloud.adobe.com/link/track?uri=urn:aaid:scds:US:d3633e94-b08f-4e41-96e8-fdda9780a275

https://docs.google.com/document/d/16JkOLM8uNClEt6xHwdaw0d_ifZv20AZrHJZih_PlZuM/edit?usp=sharing

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى