مفاتيح السعادة ال6

أهلا بيك في كورس مفاتيح السعادة

 

مفاتيح السعادة
مفاتيح السعادة

 

الكورس عبارة عن إية؟

الكورس عبارة عن مجموعة أسألة هتجاوب عليها كل يوم لمدة أسبوع، عن طريق الأسأله دى هنقدر نرسم خريطة السعادة لحضرتك، إزاى؟

الأسألة دي بنعرف من خلالها إية الجزء اللي في حياتك مليان ومحقق فيه الإكتفاء اللي بيوصلك للشعور بالرضا والسعادة، وإيه الجزء اللي في حياتك محتاج تشتغل عليه أكتر علشان تملاه وتحس فية بالرضا و الكفايه.

 

لمعرفة المزيد عن أساليب تقوية النفس أدخل هنا

 

الحياة ليها جوانب كثيرة بتندرج تحت ست جوانب مهمة جدا بتمثل بالنسبه لك مصادر السعادة، لازم تهتم بيها كلها وتوازن بينها، بحيث تكون كل الجوانب الستة  ممتلئة مش فاضية أو خاوية.

لو جانب واحد من الجوانب الستة فيه خلل مش هتقدر تحس بالسعادة اللي بتتمناها، يعني مهم جدا تهتم بكل الجوانب الستة ومتقصرش في حق جانب واحد منهم.

تيجي نشوف إيه هما الجوانب الستة؟ يلا بينا….

الجوانب الستة للحياة السعيدة

 

أولا: الجانب العاطفي

الجانب العاطفي
الجانب العاطفي

من المهم طبعا أن تهتم بجانب العاطفة في حياتك، والجانب ده ممكن تملأه عن طريق أهلك ، أصحابك، شريك حياتك، أولادك….أو أى حد تاني تقدر تحس بالعاطفة تجاهه ويبادلك نفس الشعور ( في حدود الشرع والأعراف طبعا علشان ما ندخلش في تأنيب الضمير اللي ممكن يقضي على أى فرصة ممكن تشعر معاها بالسعادة).

ثانيا: الجانب الذهني

عقلنا هو الشيء اللي ربنا ميزنا بيه عن جميع المخلوقات، فيه بعض الدراسات بتقول إن العقل بيفضل شغال فترة بعد خروج الروح من الجسد، يعني إنت هتموت وعقلك لسه حي!!

الغريب بقى إن في ناس بتموت عقلها عمدا وهي لسه عايشة.

حاول دايما تهتم بذهنك وتغذيه وتطوره، وغذاء الذهن هو العلم والتعلم، إتعلم كل يوم شيء جديد ولو بسيط، إتعلمي تعملي أكله جديدة أو هوايه جديدة، إسمع فيديو ينشط ذهنك ويشغله، إسمعي برنامج أو محاضرة تلهمك وتثير فيكي الحماس.

ثالث: الجانب الجسدى

طبعا كلنا عارفين مقولة العقل السليم في الجسم السليم، والجسم السليم دة لازم تبذل مجهود علشان تحافظ على سلامته وما يشتكيش منك بعد كده بالمرض والآلام.

الرياضة، والأكل الصحي، وشرب الماء، من الحاجات اللي تقدر تعملها علشان تحافظ على جسدك سليم.

رابعا: الجانب الروحي

الروح هي الأصل، وهي نفخة ربنا جل في علاه فينا،(وَإِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِّن صَلْصَالٍ مِّنْ حَمَإٍ مَّسْنُونٍ (28)فَإِذَا سَوَّيْتُهُ وَنَفَخْتُ فِيهِ مِن رُّوحِي فَقَعُوا لَهُ سَاجِدِينَ (29)) سورة الحجر.

إهتمامك بالمادة لا يغنيك أبدا عن اهتمامك بالروح، ومن أكثر أسباب الاكتئاب شيوعا في العالم هو إهمال الجانب الروحي في حياتنا وإهتمامنا بتلبية إحتياجات الجسد المادية فقط. 

خامسا: الجانب الوظيفي

الإنسان خلق ليعمل ويكد،فإذا وجد نفسه فارغا، ليس لديه ما يعمله، يشعر بالخواء وعدم القيمة.

لازم يكون عندك عمل وتحاول تجتهد في عملك وتتفوق فيه علشان تحس بالسعادة.

بالنسبة لربات المنازل أوعوا تفتكروا الكلام ده مش ليكو، عملك في بيتك وتربية أولادك و إعتنائك بأسرتك هو أسمى عمل ممكن تأديه، وممكن كمان تطوري نفسك فيه علشان تكوني أسعد وأرضى.

سادسا: الجانب الإجتماعي

الإنسان لا يمكنه الشعور بالسعادة إذا عاش منعزلا عن الآخرين، فهو بالفطرة مخلوق إجتماعي، صحيح بتتفاوت نسبة إندماجه في المجتمعات لكن بيظل في حاجة دائمة لوجود مجتمع داعم حولة.

العلاقات الإجتماعية السامة من الأحسن إنهائها والبعد عنها، لما بنقول الإنسان محتاج لناس حوالية، فالمقصود ناس داعمين محبين مش ناس سامة أو هدامة.

حاول تبني علاقات ناجحة مع ناس تناسبك، يقدروا يساعدوك ويقدمولك الدعم والمساندة. 

 

دلوقتي بعد ما أتعرفت علي الجوانب المهمة في حياتك علشان تشعر بالسعادة، أقدر أقدملك الكورس (مفاتيح السعادة) اللي هيساعدك ترسم خطة لنفسك علشان تكون أسعد في حياتك.

  • هتدخل على الرابط الي هتلاقية في آخر المقالة.
  • هتجاوب علي الأسئلة، وهيكون عندك خيار (other)هتختارة لو إجابتك مش في الإجابات الاختيارية.
  • هتكتب في الخانه اللي تحته إجابتك الخاصة.
  • بعد كده هتلاقي خانه بتسألك عن يومك السابق عملت فيه إيه؟
  • هل طبقت فعلا اللي كتبتة لنفسك ولا لأ؟ ولو طبقت جزء من المكتوب هيكون بنسبة قد إيه تقريبا.
  • بعدين هتلاقي جزء بيسألك عن إيميلك هتكتب فيه الإيميل اللي ممكن أرسل لك عليه أي ملاحظة أو مساعدة.
  • لو مش حابب تكتب إيملك عادي جدا، بس مش هقدر أتواصل معاك لأن الكورس لا يتيح لي معرفة أي شئ عنك إلا البلد اللي إنت فيها و ال IP.
  • كرر حل الأسئلة كل يوم علي مدار أسبوع، بعد الأسبوع هيكون واضح جدا بالنسبة لك إيه الجانب اللي في حياتك محتاج منك تشتغل علية وتملأه ، وإيه الجانب اللي إنت فعلا كويس فية وتحافظ علية.

بأتمني للجميع التوفيق، وأى إستفسار أرجو التواصل علي الإيميل الرسمي [email protected]

لدخول الكورس إضغط هنا مفاتيح السعادة 

 

تعليق واحد

  1. بالنسبه للجانب الروحى كيف نهتم به تابعى معايا شويه شوفى اجاباتى وعرفينى ملاحظاتك

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى