الناس الجميلة

الناس الجميلة
الناس الجميلة

 

الناس الجميلة رزق من ربنا وهفضل أدور عليهم لحد ما ألاقيهم


ولما ألاقيهم هحافظ عليهم


وهما أكيد حواليا بس الواحد ساعات بيتوه عنيهم


في زحمة الوشوش والقلوب و اللي إتعرفنا بيهم


أحيانا بندي ثقتنا وحبنا لناس مش شبهنا ولا زينا


لأن شدتنا ليهم هالة مرسومة حواليهم

أو شئ مميز عجبنا فيهم

لكن بيجي يوم ونعرف إن إنخدعنا فيهم

مش عشان هما وحشين لا سمح الله

لكن عشان إحنا ما نفرقش كتير عنديهم

إحنا كمالة عدد لا زودنا ولا نقصنا ليهم

بيجي موقف يبين قيمتك وصورتك في عنيهم

وساعاتها بتتفاجئ مش هو ده اللي مستنيه منيهم

أصلك فاكرهم بيحبوك ويقدروك نفس تقديرك ليهم

خاطرك بينكسر …..وتحس بوحده وألم

يا تري أنا عندي حق وقلبي منه إتظلم

و لا أنا ما أسواش إنه يقدرني

و زي ما في ظلمة مشاعره بزوره

وبشمع قلبي وفوانيسه بأكون ساعات نوره

وأقوله أنا جنبك لو كل الناس بعاد أنا حدك

محتاجه أنا بردو إنسان يكون حدي

وفي ظلمتي ونوري يكون ملاك سعدي

يحب لي الخير زي ما بحبهوله

و يقدر حبي ليه وأنا قلبي أديهوله

لو يوم ضليت طريقك عن الناس اللي بيحبوك


و رحت لناس تانين قهروك وزعلوك


لملم جروحك و إمشي


و إلحق بقايا الحب


و إجمع شتات القلب


هتلاقي أكيد في يوم اللي يكون زيك

و يخاف علي قلبك

و إذا أنت مش شايف جمال روحك


هيكون مرايه ليك تأتمنه علي بوحك


يعدل ميزان الوجع و يداوي في جروحك


#هباشيات

 

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى