ادمان السوشيال ميديا: الاحلال

ادمان السوشيال ميديا: الاحلال
ادمان السوشيال ميديا: الاحلال

في المقال السابق(خلي بالك من وعيك)عرفنا أهمية الوعي مع استخدام السوشيال ميديا، وفي هذا المقال نتعرف على الخطوة الثانية في معركة الوعي.

الخطوة التانيه: الإحلال

يعني ايه ؟


طبعا بعد ما تاخد وقتك في التدريج لترك السوشيال ميديا وإفساح مجال في وقتك لحاجات تانيه ،ممكن يتوفر عندك وقت لكن مافيش حاجه مفيده تعملها وتكون في نفس الوقت مستمتع .

وهنا يجي دور الإحلال يعني لازم في مكان العاده السيئة اللي بدأنا نتخلص منها تدريجيا نحط عاده جيده ومفيده برضه تدريجيا ….

العاده المفيده دي ممكن تكون:

 

القراءه: هتقولي ما بحبش اقرأ ، هقولك اقرأ تدريجيا ولو كل يوم صفحه في المجال اللي انت تختاره وحاسس انك حابب تعرف فيه اكتر.


 وبالتدريج هتقوي عندك عضله القراءه, وهتلاقي نفسك كل ما تسحب نفسك من السوشيال ميديا اكتر بتروح لسبل اخري من المعرفة اكتر بس الفرق ان السبل دي منظمه ومرتبه وبتدخل المعلومة بشكل صحيح ومش بتشوش علي افكارك زي السوشيال ميديا، والفرق كمان انك انت اللي اختارت هتقرا ايه يعني انت المسيطر علي حياتك وبتتحكم في اختياراتك وأفعالك مش حد تاني ……..


طيب ممكن حاجه تانيه غير القراءه ؟ممكن جدا.

 الرياضه: الرياضه بتنظم التفكير, وبتأثر إيجابيا علي المزاج العام , وبتخليك تحس بشعور جميل وتستشعر نعمه ربنا عليك انه أعطاك القوه والقدرة وأعطاك جسد انت مستأمن عليه تحفظه وتستخدمه في ما ينفع.


ابدا بتمارين خفيفه بسيطه وزود تدريجيا كل ما تحس انك اتقنت التمارين اللي بتعملها .

امشي: رياضة المشي جميله جدا وبتساعد علي ترتيب الأفكار وتنقيه الذهن وممكن تسمع وأنت بتمشي محاضره عن موضوع معين او اي شئ مفيد.

 

 

القرآن: اهتم زيادة بالقرآن،عارفه انك ممكن تكون عامل ورد وبتقرأه يوميا، بس ده مش كفايه، القران بحر واسع كل ما تديه وقت واهتمام بيديك خير كتير في حياتك من حيث لا تدري، اهتم بيه لانه فعلا اهم شئ في حياتك تدبر معانيه، افهمه، احفظ اياته في صدرك وعقلك (وأظن احنا وسعنا مكان في عقلك ورتبا الأفكار وروقنا الدنيا وكنسنا كل الأفكار اللي مش محتاجينها في حياتنا ودلوقتي عقلنا وقلبنا جاهزين لاستيعاب أغلي وأعلي واحكم كلام في الدنيا).

 

حفظ القران: ان شاء الله هيكون يسير لانك رتبت افكارك ،احفظ ولو ايه كل يوم, مش عارف تحفظ لوحدك؟ روح دار تحفيظ، احفظ في صحبه ولو واحد بس وتساعدوا بعض.

 

 التطوير: طور شخصيتك وذاتك، إحضر دورات ، خد كورسات، ما فيش وقت إنت فيه كبير على التعلم، دق كل باب تلتمس فيه علم نافع ……..

 

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى