لا يمكنك الضحك على عقلك

في المقال السابق (مشاعر مابتشاورش2) إتكلمنا عن بعض عيوب الإدراك، واللي بتسبب وجود أفكار سلبية في ذهننا وبتأثر بالتالي على حالتنا النفسية ومشاعرنا بالسلب.

و قلنا إن بعد محاولة إصلاح عيوب الإدراك وتدريب المخ على التفكير الإيجابي، نسبة إقتناعنا بالأفكار السلبية القديمة هيقل بشكل ملحوظ لكن مش هيوصل أبدا لدرجة الصفر او نكران ونفي الفكرة القديمة بالمره، ليه؟

 

لأن عقلنا مش بيتضحك عليه( لا يمكنك الضجك على عقلك)بمعنى إن الفكرة السلبية اللي إتكونت جوانا دي وسببت الشعور السئ اللي حاسينا بيه ده مش ممكن تكون من فراغ، هي ممكن ما تكونش صح 100%بس أكيد فيها ولو نسبة بسيطة من الحقيقة.

 

ومش مطلوب مننا إننا ننفي أي شعور سلبي يوصل لنا أو أي فكرة مزعجة، المطلوب فقط إننا نضعها في حجمها الصحيح و منضخمهاش أو نلزمنها أو نفلتر جزء منها أو أو … (عيوب الإدراك).

 

 

إذن في حالة إن في شعور مش لطيف وصلك من أي حد أو فكرة مزعجة بدأت تلح على عقلك، مش هتضحك على عقلك وتقول مافيش حاجة آذتني أو ضايقتني،كل اللي هتعمله إنك تظبط الفكرة وتعرف حجمها الصحيح عشان تبدأ تتعامل معاها صح وما تدخلش في حالة من الغضب المبهم من كل حاجة و أي حاجة وده بنسميه جبل الثلج…….

عاوز تعرف إيه هو جبل الثلج؟…..إن شاء الله في المقال القادم

دمتم في أمان الله✋✋✋