حب من غير امتلاك
ما تبقاش في حبك أناني
واسمح لنصك التاني
إنه يبر أهله ويصل رحمه
ويتحكم في ماله بالشكل اللي يرضاه
أحيانا بنتسلط
على بعض ونعيط
ونشتكي ونقول
إن إحنا مظلومين
وفي الحقيقه إحنا
ظلمنا روحنا بروحنا
لما فكرنا إن
الحب يعني امتلاك
نصك التاني حقه
يتصرف في ماله براحته
ويود أهله وصحبه
مادام حقوقك شايف
ومش مقصر معاك
وإذا كان في حقك مقصر
قوله…إتكلم وفسر
يمكن يكون مش قاصد ومش عارف
ولا إنت اللي بتضحي وفاكره شايف
بتلومه إنك مطلبتش منه كذا وكذا
عشان توفرله وتحميه من الأذى
وفي الأخير بيصرف هنا وهناك
وإنت اللي خايف عليه بيقسى معاك
أقولك طيب هو بيفكر إزاي
هو ما يعرفش إنك كده نساي
ما هو ياما جابلك وعطاك
هيعرف منين مطالبك
إذا كنتش إنت تقول
قوله وشوف هيعمل إيه؟ وبعد كده لوم عليه
لكن مش من حقك تملكه
وتضيق القيد وتحبكه
الحب عمره ما كان امتلاك
#حب_التملك
#حب امتلاك
